Janúarfundur LC-8

Janúarfundur LC-8  10.janúar 2011.

Fundur haldin á Cafe París og byrjar með borðhaldi þar sem tafir urðu á fundarsetningu.Um janúarfundinn sáu þær Íris og Linda Bára.

Ritari les upp fundargerð síðasta fundar og fær góðar ábendingar um  leiðréttingar á fundagerð.

Kynningarhringurinn er á sínum stað og gaman að sjá hve margir gestir eru með okkur í kvöld.

Mættar voru: Íris,Sólrún,Nína,Lilja,Bryndís,Lilja Guðrún,Hildur,Magga,Ása,Laulau og Auður.

Gestir : Ásta,Þyri,Erna,Sigga,Þórunn,Guðrún Ósk , Ásta Rós og Guðrún Ásta.

Lesið ljóð eftir skáld vetrarins sem ber nafnið Ragnheiður biskupsdóttir.

Þema kvöldsins er vesturland og hafa þær stöllur fengið rithöfundinn Brynhildi Þórarinsdóttir til að fræða okkur um Jón Sigurðsson „forseta",en hann er fæddur á Hrafnseyri við  Arnarfjörð.

17.júní  næstkomandi þ.e.í ár 2011 verða liðin 200 ár frá fæðingu Jóns og hans minnst á margvíslegan  hátt á árinu.

En Brynhildur hefur sett upp sýningu í þjóðmenningarhúsinu um Jón og æsku hans út frá sjónarhóli barna.

-Sagt frá æsku hans og uppvexti á Hrafnseyri við Arnarfjör ,unglingsárum hans í Reykjavík og  ævi og störf hans í Kaupmannahöfn.

Áhugasömum er bent á að fara inn á síðuna  http://jonsigurdsson.is/   til frekari glöggvunar.

Í  3 mín söguð klúbbkonur frá skemmtilegum atvikum um jól og áramót.

Ritari þurfti frá að hverfa fyrr en ætlað var en fundi lauk skömmu síðar.

 

Ritari : Auður Árnadóttir

Febrúarfundur

Verður haldinn 7. febrúar 2010 kl. 19:30 í Skátaheimili Árbúa við Hraunbæ.

Fundurinn verður með hefðbundnu sniði.

-Fundargerð.

-Fyrirlestur.

-Kynningarhringur

-Ljóð.

-Matur

-Þjár mínútur: Gullkorn eða saga af börnunum í kringum okkur

-og annað sem fundarhöldurum dettur í hug.

Tilkynnið af eða á í síðasta lagi á föstudaginn og endilega haldið áfram að vera svona duglegar að koma með gesti. Það kostar 2.500 krónur fyrir hvern gest.

Hlökkum til að sjá ykkur.

Linda og Sólrún

Fundargerð um jólafundinn 6.des 2010

Jólafundur LC-8         6.desember 2010

Fundurinn er haldinn í skátaheimili Árbúa í Hraunbæ og hefst kl.19.30.

Fyrst á dagskrá er lestur fundargerðar frá nóvemberfundi sem lesin er af ritara klúbbsins.Þessum dagskrárlið var flýtt þar sem gestur kvöldsins var með erindi kl.20.00

Þá er komið að segja frá gesti kvöldsins og var það Sigríður Klingenberg sem sá um fjörið.Erindið var á andlegum nótum og kímnin óspart notuð til að poppa þetta allt saman upp og fá klúbbkonur til að skoða sjálfa sig og sjá hversu frábærar þær væru.Hugsa jákvætt um sig og hætta dómhörku,því jú við erum allar misjafnar að gerð og lögun en engu að síður einstakar konur.Held að þið getið verið nokkuð sammála mér í því,er það ekki annars ??

Sigríður kynnir spáspilin sín og spil með orkusteinum,fáum við að draga okkur spil og eiga.

Kveikt er á kerti vinaáttunnar þegar Sigríður kveður okkur og er þá kl.20.30.

Mættar voru:Laulau,Sólrún,Linda Bára,Linda Rós,Björk,Lilja,Magga,Íris,Hildur,Ása,Bryndís og Auður.

Um jólafundinn sáu Ása og Bryndís og fórst það þeim vel úr hendi.

Gestir: Guðrún Ásta,Dóra,Guðrún og Ástrós

Komið að kynningarhring.

Veitingarnar að þessu sinni var hlaðborð með smáréttum eins og t.d laufabrauð,flatkökur, lagtertur sem var skolað niður með jóladrykknum malti og appelsíni.En þar sem um jólafund var að ræða var einnig boðið upp á jólaglögg sem klúbbkonur gátu styrkt örlítið með vínanda.

Bryndís les ljóð e.skáld vetrarins heilræðavísur ,eins og við vitum er Megas þema hjá okkur í vetur.

 3.mínútur voru með öðru sniði en oft áður enda bara gaman að breyta til.Umsjónarmenn fundarins skiptu klúbbkonum í 3 hópa og átti hver hópur að semja ljóð um norðurland í anda meistar Megas.Það var  mikið í húfi enda um verðlaunarsæti að ræða.Sigur úr bítum báru allir hópar þar sem einhverjum Megasrtöktum var náð.Í verðlaun voru mandarínur og allar sáttaHér að neðan læt ég ljóðin fylgja með okkur og öðrum til ánægju. Bara snilldar samið af okkur skvísunum.

Hópur  1)

Hafið þið komið á norðurland,norðurland,norðurland

Ísinn í Brynju smakkað á,smakkað á,smakkað á.

Kakó úr Blárri könnu bragðað á,bragðað á,bragðað á.

Eftir Greifa pizzu og Bauta borgara er gott að labba um Kjarnaskóg og enda Kea á og sofa hjá,sofa hjá,sofa hjá.

 

Hópur 2)

Hofsós,Mývatn,Húsavík.

Dimmuborgir,Hvammstangi,Siglufjörður.

Kántrýbær,Blönduós,Dalvík.

Víðihlíð,Akureyri,Ólafsfjörður.

 

Hópur  3)

Hljóðaklettar undur er

þar er hægt að skemmta sér

hella í sig undir kletti

á einu bretti.

Úti í Lóni sekk ég mér

langar til að ríða þér

komdu hingað vina mín

annars kem ég heim til þín.

 

Þá er komið að lokaspretti kvöldsins þ.e.jólapökkunum góðu.Það þurfti nú auðvitað að hafa þetta aðeins öðruvísi og lengja kvöldið okkar með því að fara í svokallaðann jólapakkaleik sem fór þannig fram.

Fengum 2 teninga til að kasta,þegar upp kom talan 6 var hægt að velja pakka af pakkaborði (ef 2x6 þá 2 pakkar).Teningar gengu á milli klúbbkvenna í 20mín og var um að gera að hafa hraðar hendur til að eiga sem mesta möguleika á að næla sér í sem flesta pakka.Þegar pakkar voru búnir af pakkaborði var byrjað á að stela frá hinum sem höfðu nælt sér í pakka.Eftir 20mín þurftu þær sem höfðu fleiri en einn pakka að gefa hinum sem engann fengu (eða höfðu verið rændar).Mikil spenna og adrenalínið á suðupunkti þennann tíma og tel ég að nokkrum kaloríum hafi verið brennt í hasarnum.

Fundi slitið kl.10.30.

Ritari :Auður Árnadóttir

10.janúar 2011

Jæja þá er komið að fyrsta fundi ársins og er þemað Vestfirðir!!

Við tökum því hátíðlega og fræðumst heilmargt um þá;)

Fundurinn verður haldinn  á Café Paris og  hefst hann stundvíslega kl.19.30, með upplestri fundargerðar desemberfundar.

Síðan snæðum við léttar veitingar en  í boði verður

1. Sesarsalat með kjúkling: blandað salat, sósa, brauðteiningar, capers, svartar ólífur, parmaostur  og tómatar

2. Grískt salat með kjúkling: blandað salat, fetaostur, laukur, gúrka, tómatar, lime og ólífur

3. Frönsk pönnukaka með rækjum, hrísgrjónum, sveppum, papriku, hnetum og rjómaosti

 4.Frönsk pönnukaka með nautahakki, eggjum, beikoni, tómötum, lauk og osti.

Skrifið í athugasemdum hvað þið viljið.

Kynningarhringur, ljóð og 3 mínútur verða á sínum stað.

3 mínúturnar verða með hefðbundnu sniði að þessu sinni og mun hver og ein segja okkur frá einhverju skemmtilegu um jól og áramót.

Upp úr 20:30 fáum við svo til okkar góða konu, Brynhildi Þórarinsdóttir, sem mun fræða okkur heilmikið og meðal annars um merkan mann frá Vestfjörðum.

Fundi slitið um kl.22.30...

Gestir borga bara fyrir matinn. Hver réttur kostar 1.522.- Vinsamlega látið vita um mætingu, helst ekki síðar en á laugardag...Sjáumst hressar, Íris Björg og Linda Bára.

JÓLAFUNDUR LC-8

Sælar LC-systur.  Þá er komið að jólafundinum okkar. Staðsetning: Skátaheimili Árbúa, Hraunbæ 123.

Fundur hefst stundvíslega kl.19.30, með upplestri fundargerðar nóvemberfundar.
19.45  Sigríður Klingenberg mætir á svæðið og ætlar að skemmta okkur með spádómum og ýmsu öðru.
Kynningarhringur
Ljóð eftir skáld vetrarins
3 mínútur,, verður með óhefðbundnu sniði,,engin heimavinna..
Jólapakkaleikur,, allar að mæta með litla gjöf,, hámark kr. 1500.-  svo er heimatilbúið alltaf svo voða skemmtilegt. Fundi slitið um kl.22.30...

ATH veitingar verða með léttara sniði en venjulega,, við ætlum að bjóða uppá jólaglögg (óáfenga og áfenga), gos, jólakökur af ýmsum gerðum, laufabrauð(norðlenskt) og þh.,, svo betra er að fá sér smá í mallann áður en haldið er af stað.Verð fyrir gesti er kr. 3.000.-Vinsamlega látið vita um mætingu, helst ekki síðar en á laugardag...Sjáumst hressar, Bryndís og Ása

Nóvemberfundur 2010

Nóvemberfundur LC-8       Austurland.                                                 

Byrjað var á að heimsækja Birting blaðaútgáfuna og fengum við að kynnast í stuttu máli hvernig ferlið er í kringum Vikuna þ.e hvernig og hvar hugmyndir verða til, myndataka og breytingar sem gerðar eru þar, aðsent efni, þema blaðsins, form og uppsetning ásamt mörgum öðrum mikilvægum þáttum. Birtingur gefur út fleiri tímarit en er Vikan talin dæmigert heimilisblað með uppskriftum af ýmsu tagi eins og mat og prjónauppskriftum, reynslusögur og aðrar styttri greinar. Að lokum var farið í skoðunarferð um húsakynnin og konur leystar út með tímaritinu Vikunni.

Fundurinn var að þessu sinni haldinn í skátaheimili Árbúa í Hraunbæ og settur kl.20.45 með því að kveikja á kerti vináttunnar.

Þemað á þessum fundi er austurland og notuðu fundarhaldarar skemmtilega aðferð til að draga austurlandið (Hérað) inn á borð til okkar. Hver og ein okkar fékk stein úr fjöru Lagarfljóts sem hafði verið komið fyrir á litlum platta úr hreindýrahorni, en þennan platta skar pabbi hennar Ásu út sem gerir þetta enn tilkomumeira og flottara. Já það er ekki annað sagt en hér hafi verið lögð góð vinna í fundinn enda margir með einsdæmum stoltir af þessum landshluta sem er vel skiljanlegt.

Kynningarhringur

Laulau og Hildur segja frá fulltrúaráðsfundinum á Húsavík en hægt er að nálgast allar upplýsingar um hann á heimasíðu LC. Það sem okkur fannst hins vegar áhugvert er árshátíð LC og RT á næsta ári sem verður haldin í Stapanum í Keflavík og ekki ómerkari maður en Siggi Hlö sér um fjörið.

Konur eru hvattar til að sækja fundi hjá öðrum klúbbum til að kynnast betur og sjá hvernig fyrirkomulagið er á þeirra fundum. Alltaf gott að fá hugmyndir á slíkum fundum.

Borðuðum 4 rétta máltíð frá Nings.

Skáld vetrarins er Megas og les Lilja upp ljóðið „Heilsaðu öllum heima" afar áhugavert enda Megas flottur textahöfundur.

Lilja Guðrún fráfarandi formaður kynnir bloggið okkar og afhendir linkinn inn á síðuna: http://ladiescircle8.blog.is

Ritarinn les fundargerð fyrir september og október.

Farið í fasta liði eins og 3mín. en með heldur óhefðbundnara sniði en gert hefur verið áður. Nú og voru leikhæfileikar hópsins kannaðir og þekking á frægum persónum sem eiga ættir sínar að rekja að austan. Actionery heitir leikurinn. Hver og ein okkar fékk ákveðna persónu, vættir eða fjöll til að leika og hinar áttu svo að geta hver það væri. Gekk þetta svo vel að að 3 mín hafa aldrei gengið svona hratt áður, ekki svo ég muni.

Um fundinn sáu Lilja og Ása.

Mættar voru:Hildur, Lilja, Ása, Linda Rós, Lilja Guðrún, Linda Bára, Laulau, Sólrún, Íris, Magga og Auður.

Gestir:Þyri, Sigga, Þórunn og Dóra.

Ritari :Auður Árnadóttir

Oktoberfundur / Suðurland

Októberfundur LC-8

Þessi fundur var með  öðru sniði en venjulega því skvísurnar skelltu sér í bústað samkvæmt dagskrá vetrarins. Þar sem dagskráin var óhefðbundin og frjáls verður fundargerðin svona til málamynda.

Vel heppnuð og skemmtileg ferð í alla staði enda ekki nema von þegar hver og ein sér um að skemmta sjálfum sér og mæta á svæðið með gleði,gleði og gleði.

Mættar voru: Magga,Laulau,Lilja,Sólrún,Bryndís,Lilja,Hildur,Björg,Ása,Nína og Auður

 Stjórnin sá um bústaðarferðina og þar sem þemað var suðurland var sjúkraliðabústaðurinn að Kiðjabergi  fyrir valinu.                    

     

Boðið var upp á kvöldmat,grillað lambalæri með öllu tilheyrandi og sáu Lilja og Nína um matinn.

Farið í pottinn,hlegið og spjallað fram á rauða nótt.

Þær okkar sem gistu vöknuðu við ilmandi af kaffi og heitum rúnstykkjum ummmmm....þar var Hildur okkar sem sá um morgunmatinn.

Vorum við einstaklega heppnar að geta bara gengið út úr bústaðnum án þess að lyfta tusku því að Magga ákvað að vera eina nótt í viðbót og tók að sér þrifin.....vorum mjög hamingjusamar með þá kvörðun.

 

Ritari:Auður Árnadóttir

NÓVEMBERFUNDUR LC-8 2010

AUSTURLAND

 

 MÆTING STUNDVÍSLEGA  KL.19.30 Í AÐSETRI BIRTINGS SEM ER AÐ LYNGHÁLSI  5, GENGIÐ INN AÐ NEÐAN. Þar tekur Elín Arnar á móti okkur og fræðir okkur um hvernig VIKAN verður til. Þegar við verðum orðnar fullnuma um gerð tímarita munum við færa okkur eilítið austar og halda fundinn okkar í skátaheimili Árbúa að HRAUNBÆ 123. 

 

Fundarefni eru eftirfarandi;

 

1. Kynningarhringur

2. Formaður og varaformaður fræða okkur um það helsta sem kom fram á fulltrúaráðsfundinum á Húsavík.

3. Lilja Guðrún kynnir bloggið okkar.

4. Ljóð eftir skáld vetrarins.

5. Ritari les upp fundargerð septemberfundar.

6. 3 mínútur... þær verða með nýju og spennandi sniði í þetta skiptið... enginn heimavinna.

7. Fundi slitið um kl.10.30

8. Í upphafi fundar munum við gæða okkur á austurlenskum mat...

 

                Fundarverð fyrir gesti, kr. 2.500.-

 

 Sjáumst hressar, Ása og Lilja
ps. Siðameistari minnir allar konur á að taka með sér klink... :) 

Fundargerð septemberfundar á Reykjanesi

Septemberfundur LC-8  2010.

Um fundinn sáu Hildur og Magga.

Hittumst við N1 í Hafnarfirði þar sem safnast var í bíla og lagt af stað í Blá Lónið nánar tiltekið Læknalind Bláa Lónsins þar sem unnið er að meðferðum við m.a psoriasis húðsjúkdómnum.

Laulau setur fundinn kl.19.45.

Á móti okkur tekur Esther Hjálmarsdóttir hjúkrunarfræðingur sem sýnir okkur húsakynni og fræðir okkur um starfsemina.Fer hún m.a yfir vistkerfi lónsins sem er sjálfhreinsandi hringrás,vegna mikils salts innihalds þá þrífst bakteríugróður þar afar illa og að innihald lónsins sé að mestu leiti þörungar(mikið notaðir í húðmeðferð),sölt(minni bakteríugróður) og kísill( notaður í húðskrúbb eða afhreistrun hjá psoriasis sjúklingu).

§  Náttúrulegar meðferðir í jarðsjó Blue Lagune með ofangreindum innihaldsefnum

§  Meðferð byggist á böðum,ljósum,kremameðferð og slökun á sál og líkama.

§  Rannsóknir og þróun í leit að nýjum efnum úr jarðsjónum

§  Hefur verið starfrækt hér í 15 ár.

§  Einnig fyrir liða-og vefjagiktasjúklinga

§  Innlögn ekki minni en vika en allt upp í 4 vikur eða eftir ástandi sjúklings.

§  50-60% af þeim sem nýta sér staðin eru sjúklingar en restin kemur í almenna gistingu og dekkur(svona til gamans þá kostar nóttin aðeins 45 þúsund krónur ).

Eftir þessa skemmtilegu og fræðandi kynningu hjá Esther fluttum við okkur yfir á veitingarstaðinn LAVA,tókum þar kynnignarhring og fengum matinn framreiddan frá ansi hressum þjóni.

Magga les upp fyrir okkur nokkrar línur um uppruna Megasar og störf hans.Það sem var afar athyglisvert að hann samdi sinn fyrsta texta fyrir fermingu.

Eins og við vitum allar í LC-8 þá hefur Magga ótrúlegan áhuga á leikjum,enn ung og leikur sér og drífur okkur hinar með sér.Þar sem hún sá m.a. um fundinn þá var um að gera að bregða sér í leik sem að þessu sinni var: Klúbbkonur drógu málshátt og bættu síðan við málsháttinn „í rúminu".Þarf ekki að segja nánar frá því en það að við höfðum gaman að.

Ása siðameistari nældi í smá pening í baukinn okkar með því að sekta konur f.næluleysi og að hafa farið eða ætla sér erlendis á árinu (allt of útsjónasamur siðameistari ).

Fundi var svo slitið um 22.30.

 

Mættar voru: Linda Bára,Ása,Lilja,Laulau,Magga,Lilja,Nína,Sólrún,Linda,Íris og Auður.

Sumarbústaður :)

Jæja systur, Það er komið að sumarbústaðarferðinni. Bústaður í Kiðjabergi 2, Grímsnesi. Við mætum um kaffileytið, laugardaginn 2.október 2010.Komum okkur fyrir og fáum okkur létta hressinguFörum í labbitúr,,,Hvild” og eldamennskaMaturBrjálað stuð, pottur, snakk, spil og leikrit :)  Kyrrð um miðnætti . Morgunmatur / brunch Tiltekt Farið heim í eftirmiðdag/eða þegar hentar Allur matur er á vegum stjórnarinnarDrykki komið þið með sjálfar. Annar útbúnaður:SundfötSængurföt eða svefnpoki (sængur og koddar eru á staðnum)Tannbursti og inniskór. Vinsamlega tilkynnið þátttöku á heimasíðu LC-8 sem fyrst en í síðasta lagi 26. september. Erum svaka spenntar Stjórnin.